TINGGAL KAN LAYAR HP! Dipilih 9 Bocah Palabuhanratu,, Siap guncang Bandung Bawa Pencang Silat.

PALABUHRATU ‘ Discoverynews.id- Lamun budak seumuran maranehna leuwih milih rebahan bari main HP, salapan budak ti Palabuhanratu justru milih baseuh ku kesang di padepokan. Lain game online nu dihapalkeun, tapi gerakan Ibing Penca, ketukan kendang, jeung filosofi silat karuhun.

Misi maranehna gede: ngawakilan ngaran Palabuhanratu dina ajang tingkat Provinsi Jawa Barat di Bandung.

Salapan budak ieu mangrupa didik ti Sanggar Buana 505 / Padepokan Syabandar Karimadi. Umurna masih leutik keneh, 6 nepi ka 14 taun. Tapi lamun geus naek panggung, mentalna lain mental budak. Mental jawara.

Pendiri sakaligus sesepuh padepokan, Abah Ateng, nyebutkeun persiapan pasukan cilikna geus ampir beres.

“Alhamdulillah, persiapan anak-anak sudah hampir mencapai 90 persen. Tinggal mematangkan mental saja. Kami berharap mereka bisa tampil maksimal dan membawa nama baik perguruan,” ucap Abah Ateng, Sabtu malam (14/11/2026).

Ti total kurang leuwih 70 murid aktif nu unggal minggu latihan di padepokan, ngan salapan nu kapilih jadi kontingen provinsi. Maranehna rencanana indit ka Bandung tanggal 5 Desember 2026, keur ngajalankeun rangkaian lomba salila tilu poe, ti Sabtu nepi ka Senen.

Nu nyieun Abah Ateng beuki reueus, perjuangan budak-budak ieu teu ditinggalkeun nyalira. Para kolotna hadir, lain ngan mere idin, tapi milu ngawal latihan, ngurus persiapan, nepi ka nyiapkeun keberangkatan.

Numutkeun Abah Ateng, ieu nu jadi kakuatan sabenerna. Lamun kolot milu ngarojong, seni tradisi moal gampang pareum.

“Harapan kami, anak-anak di perguruan Syabandar Karimadi ini kelak tumbuh menjadi generasi penerus yang bermanfaat bagi nusa, bangsa, dan agama,” harapna.

Lurah Turun Langsung, Muji Padepokan Jadi Benteng Budaya

Dukungan oge datang ti Lurah Palabuhanratu, Odang Sasmita, http://S.IP, nu datang langsung ningali latihan di Sanggar Buana 505.

Numutkeun manehna, padepokan lain ngan tempat olahraga. Pencak silat teh warisan budaya nu wajib dijaga, ulah nepi ka leungit dihakan jaman.

“Pemerintah punya kewajiban mempertahankan seni dan budaya supaya tidak luntur. Alhamdulillah, dengan adanya anak-anak usia dini yang sudah mulai merintis kembali, mudah-mudahan pemerintah daerah maupun pusat bisa memberikan motivasi sekaligus dukungan anggaran untuk kebudayaan ini,” ucap Odang.

Manehna oge nganggap ayana Sanggar Buana 505 mawa dampak nyata keur lingkungan. Di tengah gempuran HP nu teu bisa dibendung, padepokan jadi rohangan positif keur budak-budak.

“Alhamdulillah, dengan adanya padepokan Sanggar Buana 505, setidaknya bisa mengurangi dampak-dampak sosial terkait penggunaan handphone yang memang sekarang tidak bisa dibendung,” tambahna.

Lain Ngan Rebut Medali

Ke Bandung, salapan budak ieu lain ngan ngudag medali. Maranehna diajar disiplin, tanggung jawab, kompak, jeung hormat ka tradisi karuhun.

Ngajaga budaya memang teu cukup ku seremonial. Perlu tempat diajar, pembinaan nu terus-terusan, kolot nu ngarojong, jeung pamarentah nu bener-bener hadir mere dukungan nyata sangkan generasi muda daek mikawanoh jeung micinta budaya sorangan.

Sanggar Buana 505 / Padepokan Syabandar Karimadi ngabuktikeun, cinta kana budaya bisa dipupuk ti leutik keneh.

Mudah-mudahan salapan budak nu indit ka provinsi ieu lain ngan jadi peserta lomba, tapi jadi penerus nu engke ngajaga pencak silat tetep hirup jadi warisan budaya bangsa.